របាយការណ៍ប្រចាំឆ្នាំ ២០២៤
សម្រាប់រយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នាំ២០២៤ កំពង់ផែស្វយ័តក្រុងព្រះសីហនុ មានចំណូលសរុបចំនួន ៤៥៩.២១២.១៣៣.០០០ រៀល កើនឡើងចំនួន ៩៤.៥៧១.៣៦២.០០០ រៀល ស្មើនឹង ២៥,៩៤% បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៣ និងចំណេញសុទ្ធក្នុងការិយបរិច្ឆេទចំនួន ១២៦.៧៣៣.៦២៩.០០០ រៀលកើនឡើងចំនួន ៤.៧៦៨.១៣៩.០០០ រៀល ស្មើនឹង ៣,៩១% បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៣ ។ នាថ្ងៃទី៣១ ខែធ្នូ ឆ្នាំ២០២៤ នេះដែរ ទ្រព្យសកម្មសរុបរបស់ កំពង់ផែស្វយ័តក្រុងព្រះសីហនុ មានចំនួន ១.៧៧៣.៣២៤.៦១៧.០០០ រៀល កើនឡើងចំនួន ១៧០.៤៩៩.៦៧៧.០០០ រៀល ស្មើនឹង ១០,៦៤% និងមូលធនសរុបមានចំនួន ១.០៦៩.៩០១.៧៧៦.០០០ រៀល កើនឡើងចំនួន ៩៧.៨៥៦.៩០០.០០០ រៀល ស្មើនឹង ១០,០៧%។
សូចនករសំខាន់ៗសម្រាប់របាយការណ៍ប្រចាំឆ្នាំ២០២៤ មានដូចខាងក្រោម៖
| ១. | អនុបាតចរន្ត | ២,៣៨ ដង |
| ២. | អនុបាតចរន្តលឿន | ២,០៦ ដង |
| ៣. | អនុបាតចំណេញធៀបនឹងទ្រព្យសកម្ម | ៧,១៥ % |
| ៤. | អនុបាតចំណេញធៀបនឹងមូលធន | ១១,៨៥ % |
| ៥. | អនុបាតគំលាតចំណេញដុល | ២៦,៤២ % |
| ៦. | អនុបាតគំលាតចំណេញភាព | ២៧,៦០ % |
| ៧. | អនុបាតលទ្ធភាពសងការប្រាក់ | ១៩,១៥ ដង |
| ៨. | ចំណេញក្នុងមួយឯកតាមូលបត្រកម្មសិទ្ធិ | ១.៤៧៧,៥៦ រៀល |
សូមអានរបាយការណ៍ត្រីមាសទី៤ ឆ្នាំ២០២៤ ទាំងស្រុងដោយទាញយក (Download) ខាងក្រោមនេះ៖
