កំពង់ផែស្វយ័តក្រុងព្រះសីហនុ (កសស) នាវេលាម៉ោង ៦:២០ នាទីព្រឹក ថ្ងៃព្រហស្បតិ៍ ២រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២៥ ខែមេសា ឆ្នាំ២០២៤ នាវាទេសចរណ៍ ឈ្មោះ SEABOURN SOJOURN សញ្ជាតិ BAHAMAS ដែលមានប្រវែងបណ្តោយ ១៩៨,២០ ម៉ែត្រ ប្រវែងទទឹង ២៦ ម៉ែត្រ ជម្រៅ ៦,៧០ ម៉ែត្រ បានចូលចតនៅ កសស ដោយសុវត្ថិភាព ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសវៀតណាម។ នាវាទេសចរណ៍នេះ មាននាវិកសរុបចំនួន ៣៥៣ នាក់ (ស្រី ៨៩ នាក់) មាន ៤០ សញ្ជាតិ  និងមានភ្ញៀវទេសចរណ៍សរុបចំនួន ៣៦០  នាក់ (ស្រី ១៨៣ នាក់)  មាន ២៧ សញ្ជាតិ។ ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក (១៨៨ នាក់) និងអូស្រ្តាលី (៣៤ នាក់) ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ២០:០០ នាទី នៅថ្ងៃដដែល

ចុច Link ខាងក្រោមដើម្បីចូលទៅកាន់ Page៖

https://www.facebook.com/pas.gov.kh