កំពង់ផែស្វយ័តក្រុងព្រះសីហនុ (កសស) នាវេលាម៉ោង ១០:៣០ នាទីព្រឹក ថ្ងៃសៅរ៍ ៣ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ខែសីហា ឆ្នាំ២០២៣ នៅសាលប្រជុំធំ កសស ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ​កសស បានទទួលស្វាគមន៍ដំណើរទស្សនកិច្ចសិក្សារបស់សិក្ខាកាមចំនួន ២៥ រូប នៃវគ្គការទូតសេដ្ឋកិច្ច របស់ក្រសួងការបរទេស និងសហប្រតិបត្តិការអន្តរជាតិ ដឹកនាំដោយ ឯកឧត្តម ចឺយ វិចិត្ត ប្រធានវិទ្យាស្ថានជាតិការទូត និងទំនាក់ទំនងអន្តរជាតិ នៃក្រសួងការបរទេស និងសហប្រតិបត្តិការអន្តរជាតិ ក្នុងគោលបំណងសិក្សាស្វែងយល់អំពី សក្តានុពល វឌ្ឍនភាព និងការអភិវឌ្ឍរបស់ កសស ជាពិសេស ការចូលរួមចំណែករបស់ កសស ក្នុងការអភិវឌ្ឍសេដ្ឋកិច្ចកម្ពុជា