កំពង់ផែស្វយ័តក្រុងព្រះសីហនុ៖ នាវេលាម៉ោង ៦ៈ៣០ នាទីព្រឹក ថ្ងៃសុក្រ​ ៥កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៤ ខែកុម្ភៈ ឆ្នាំ២០២៣ នាវាទេសចរណ៍ ឈ្មោះ Seven Seas Explorer សញ្ជាតិ Marshall Island ដែលមានប្រវែងបណ្តោយ ២២៣,៧០ ម៉ែត្រ ប្រវែងទទឹង ៣១ ម៉ែត្រ ជម្រៅ -៧,២០ ម៉ែត្រ បានចូលចតនៅ កសស ដោយសុវត្ថិភាព ក្នុងគោលបំណងមកទស្សនា ប្រទេសកម្ពុជា រយៈពេល ១​ ថ្ងៃ បន្ទាប់ពីចេញដំណើរមកពីប្រទេសវៀតណាម។​ នាវាទេសចរណ៍នេះ មាននាវិកសរុបចំនួន ៥៣៩ នាក់ (ស្រី ៣១៩ នាក់) មាន ៤១ សញ្ជាតិ​ និងមានភ្ញៀវទេសចរណ៍សរុបចំនួន ៦១៧​ នាក់ (ស្រី ៣១៩ នាក់)​ មាន ២៤ សញ្ជាតិ។​ ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក ដែលមាន ៤០៤ នាក់ ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ៥ ល្ងាច នាថ្ងៃខែឆ្នាំដដែល

ចុច Link ខាងក្រោមដើម្បីចូលទៅកាន់ Page៖

https://www.facebook.com/pas.gov.kh