វេលាម៉ោង ៨:០០ ព្រឹកថ្ងៃចន្ទ ៦រោច ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២៥ ខែកុម្ភៈ ឆ្នាំ២០១៩ មាននាវាទេសចរណ៍ចំនួន ០២ គ្រឿង បានចូលចតនៅកំពង់ផែស្វយ័តក្រុងព្រះសីហនុ ។ ១. ឈ្មោះ SILVER SHADOW ជានាវាទី ១៧ មកពីកំពង់ផែ Laem Chabang ប្រទេសថៃ មានផ្ទុកអ្នកដំណើរចំនួន ៣៤៩ នាក់ (ស្រី ១៨៥ នាក់) និងនាវិកចំនួន ២៩៣ នាក់ (ស្រី ៦២ នាក់) ហើយ​នាវា​នេះ​នឹង​ចាក​ចេញ​ពី​កំពង់ផែ​ស្វយ័តក្រុងព្រះសីហនុ​នៅម៉ោង ២០:០០ ល្ងាចថ្ងៃទី២៦ ខែកុម្ភៈ ឆ្នាំ២០១៩ ឆ្ពោះទៅកាន់កំពង់ផែ Phu My ប្រទេសវៀតណាម និង ២. ឈ្មោះ NAUTICA ជានាវាទី ១៨ មកពីកំពង់ផែ Bangkok ប្រទេសថៃ មានផ្ទុកអ្នកដំណើរចំនួន ៥៦២ នាក់ (ស្រី ២៦៨ នាក់) និងនាវិកចំនួន ៤០៧ នាក់ (ស្រី ៨៧ នាក់) ហើយ​នាវានេះ​នឹង​ចាក​ចេញ​ពី​កំពង់ផែ​ស្វយ័តក្រុងព្រះសីហនុ​នៅម៉ោង ២២:០០ ថ្ងៃដដែល ឆ្ពោះទៅកាន់កំពង់ផែ Ho Chi Minh ប្រទេសវៀតណាម ។