នៅវេលាម៉ោង ៨:០០ ព្រឹកថ្ងៃសុក្រ ៦រោច ខែចេត្រ ឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី៦ ខែមេសា ឆ្នាំ២០១៨ លោក ថៃ ឬ​ទ្ធី អគ្គនាយករង​ ទទួលបន្ទុកអាជីវកម្ម និងថ្នាក់ដឹកនាំកំពង់ផែស្វយ័តក្រុងព្រះសីហនុ បានទទួលស្វាគមន៍ដំណើរទស្សនកិច្ចសិក្សារបស់ប្រតិភូសហភាពសហព័ន្ធយុវជនកម្ពុជា ខេត្តត្បូងឃ្មុំ ដើម្បីសិក្សាស្វែងយល់ពីឱកាស និងសក្តានុពលលើការវិនិយោគវិស័យឧស្សាហកម្ម ពាណិជ្ជកម្ម ទេសចរណ៍ និងការអភិវឌ្ឍន៍ផ្សេងៗ របស់កំពង់ផែស្វយ័តក្រុងព្រះសីហនុ ។