នៅវេលាម៉ោង ៩:០០ ព្រឹកថ្ងៃព្រហស្បតិ៍ ខែបុស្ស ឆ្នាំរការ នព្វស័ក ព.ស.២៥៦១ ត្រូវនឹងថ្ងៃទី១១ ខែមករា ឆ្នាំ២០១៨ មាននាវាទេសចរណ៍ចំនួន ០១ គ្រឿង ឈ្មោះ Costa Victoria ដែលជានាវាទី ០១ មកពីកំពង់ផែ Laem Chabang ចូលចតនៅកំពង់ផែស្វយ័តក្រុងព្រះសីហនុ ។ នាវាទេសចរណ៍នេះមានផ្ទុកអ្នកដំណើរចំនួន ១.៩១៥ នាក់ (ស្រី ១.០២០ នាក់) និងនាវិកចំនួន ៧៨៧ នាក់ (ស្រី ១៣០ នាក់) ហើយនាវាទេសចរណ៍នេះ នឹងចាកចេញពីកំពង់ផែស្វយ័តក្រុងព្រះសីហនុនៅម៉ោង ១៩:០០ ថ្ងៃដដែលដោយឆ្ពោះទៅកាន់កំពង់ផែប្រទេសសឹង្ហបូរី ។