នៅវេលាម៉ោង ២:០០ ល្ងាចថ្ងៃសៅរ៍ ១កើត ខែេចត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៧ ខែមីនា ឆ្នាំ២០១៨ មាននាវាទេសចរណ៍ចំនួន ០១ គ្រឿង ឈ្មោះ Costa Neoromantica ដែលជានាវាទី១៤ មកពីកំពង់ផែសឹង្ហបូរី ចូលចតបោះយុថ្កានៅកំពង់ផែស្វយ័តក្រុងព្រះសីហនុ ។ នាវាទេសចរណ៍នេះមានផ្ទុកអ្នកដំណើរចំនួន ១.៧៧០ នាក់ (ស្រី ១.០២៩ នាក់) និងនាវិកចំនួន ៦០១ នាក់ (ស្រី ១០៦ នាក់) ហើយនាវាទេសចរណ៍នេះនឹងចាកចេញពីកំពង់ផែស្វយ័តក្រុងព្រះសីហនុនៅម៉ោង ២១:០០ ថ្ងៃដដែល ដោយឆ្ពោះទៅកាន់កំពង់ផែ Nha Trang ប្រទេសវៀតណាម ។