នារសៀលថ្ងៃទី ១១ ខែ មេសា ឆ្នាំ ២០១៧ នៅកំពង់ផែស្វយ័តក្រុងព្រះសីហនុ បានរៀបចំពិធីសូត្រមន្តឆ្លងឆ្នាំចាស់ ដើម្បីទទួលសិរីសួស្ដី ជ័យមង្គល វិបុលសុខ មហាប្រសើរ ពីទេវតាឆ្នាំថ្មីព្រះនាម កិមិរាទេវី ក្នងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំរកា នព្វស័ក ព.ស ២៥៦១ គ.ស ២០១៧ ឆ្លៀតក្នុងឱកាសនេះដែរឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក និងលោកជំទាវ ក៏បានជូនពរជ័យ សិរីមង្គល វិបុលសុខគ្រប់ប្រការ ដល់បងប្អូន ថ្នាក់ដឹកនាំ មន្ត្រី បុគ្គលិក កម្មករ កំពង់ផែស្វយ័តក្រុងព្រះសីហនុទាំងអស់ អោយជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕