នៅវេលាម៉ោង ៤:០០ រសៀល ថ្ងៃព្រហស្បតិ៍ ២រោច ខែជេស្ឋ ឆ្នាំច សំរិទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ ឯកឧត្ដម លូ គឹមឈន់ ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​ប្រធាន​អគ្គនាយក កំពង់ផែ​ស្វយ័ត​ក្រុងព្រះសីហនុ និង​ថ្នាក់ដឹកនាំ បានទទួលជួបពិភាក្សាជាមួយឯកឧត្តម សំ វង្សី ប្រធានអង្គភាពយន្តការរដ្ឋចម្រុះឯកជន (Public Private Partnerships) នៃក្រសួង​សេដ្ឋកិច្ច និងហិរញ្ញវត្ថុ អំពីគម្រោងអភិវឌ្ឍន៍កំពង់ផែទេសចរណ៍ របស់កំពង់ផែស្វយ័តក្រុងព្រះសីហនុ ។