នៅវេលាម៉ោង ៩:៣០ ព្រឹក ថ្ងៃច័ន្ទ ១១រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១២ ខែមីនា ឆ្នាំ២០១៨ ឯកឧត្តម លូ គឹមឈន់ ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​ប្រធាន​អគ្គនាយក កំពង់ផែ​ស្វយ័ត​ក្រុងព្រះសីហនុ និង​ថ្នាក់ដឹកនាំ បានជួបពិភាក្សាការងារជាមួយគណៈប្រតិភូគណៈកម្មការមូលបត្រកម្ពុជា (គ.ម.ក) ដែលដឹកនាំដោយឯកឧត្តម ស៊ូ សុជាតិ អគ្គនាយក គ.ម.ក ដើម្បីត្រួតពិនិត្យការងាររៀបចំមហាសន្និបាតភាគហ៊ុនិកលើកទី១ ដែលនឹងធ្វើឡើងនៅថ្ងៃទី២១ ខែមីនា ឆ្នាំ២០១៨ ។